„СДСМ и Петре Шилегов признаа дека проектот за субвенционирање на граѓаните за набавка на велосипеди е проект на ВМРО-ДПМНЕ
Граѓаните видоа дека 5 месеци откако Шилегов го управува градот Скопје, нема нови проекти и инвестиции. Власта невешто ги копира и проектите на ВМРО-ДПМНЕ и ги претставува како свои.
СДСМ и Петре Шилегов ги намалија субвенциите за велосипедите и од 4.000 денари за велосипед колку што изнесуваше сумата од минатата година за оваа година се предвидени 3.000 денари за велосипед.
Ова е проект на ВМРО-ДПМНЕ и советниците кои се од редовите на ВМРО-ДПМНЕ го подржаа ова решение зошто интересот на граѓаните е пред се.
Сакаме уште еднаш да потсетиме дека беа направени две велосипедски патеки едната од Гази Баба до Сити мол, другата од Аеродром до Ѓорче Петров, како и ролерско велосипедска патека од двете страни на кејот на реката Вардар од страна на минатиот градоначалник Коце Трајановски како дел од проектот Скопје велоград.
Оваа власт е неспособна за решавање на проблемите на граѓаните.
Оваа власт е пример за неработа“ се вели во соопштението на ВМРО-ДПМНЕ.