СДСМ со писмено соопштение реагира на денешната прес-конференција на Игор Јанушев од ВМРО-ДПМНЕ.
„ВМРО-ДПМНЕ, партијата-синоним за криминал, расипништво и коруптивно однесување, продолжува со ширење на лажни вести.
Не е точна веста дека АД ЕЛЕМ раскинало договор за ископ на јаглен без да се избере второрангираната компанија на тендерот. Како што јавно сооопштија од АД ЕЛЕМ, по откажувањето на прворангираната компанија, и бил понуден договор на второрангираната компанија. Второрангираната компанија писмено одговорила дека не се согласува да ја продолжи работата по цената која претходно ја понудила. Со тоа се создадени законските услови, согласно Законот за јавни набавки, и АД ЕЛЕМ распишало тендер по итна постапка за ископ на јаглен.
Заврши времето на криминал и расипништво во енергетиката и партизиирање на државните компании кои функционираа како фирми на ВМРО-ДПМНЕ. Новите раководства на ЕЛЕМ, РЕК Битола и останатите државни и јавни претпријатија работат домаќински, одговорно и во интерес на граѓаните, а не во интерес на мала група поединци, како што беше случај за време на владеењето на ВМРО-ДПМНЕ.
Наместо да шири лажни вести ВМРО-ДПМНЕ треба да се дистанцира од поразените политики на Никола Груевски и вистински да се реформира“ се вели во реакцијата на СДСМ.