Жителите на Битола и посебно оние граѓани што живеат на повисоките катови од станбените згради, синоќа околу 22.50 часот почувствуваа силен земјотрес.
Повозрасните битолчани тврдат дека земјотресот бил проследен со невообичаен звук од Баба Планина, каде што всушност е регистриран епицентарот на земјотресот, во битолското потпелистерско село Цапари оддалечено на 8 км од Битола.
Според Сеизмолошката опсерваторија, интензитетот на земјотресот бил од 5 до 6 степени според Европската макросеизмичка скала-1998.
Освен мала вознемиреност во и околу Битола, не се регистрирани други проблеми предизвикани од синоќешниот земјотрес кој бил почувствуван и во Охрид, Ресен и во Прилеп.
