Вработените во територијалната противпожарна единица од Гевгелија во соработка со Дирекцијата за заштита и спасување, денеска реализираа теоретска и практична настава за учениците од основното училиште „Климент Охридски“, во Миравци.
Во едукативната вежба активно учество зедоа наставниците и учениците од седмо осмо и деветто одделение кои од страна на пожарникарите беа запознаени со практичната употреба на ПП апаратите и со директно гасење на контролиран оган на отворен простор.
Слични едукативни вежби од областа на противпожарната заштита веќе беа организирани во сите гевгелиски училишта како и во повеќе стопански капацитети на територијата на општина Гевгелија.