Под мотото „Денови на водата” денеска во Скопје почнуваат настаните и активностите со кои ќе биде одбележан Светскиот ден на водата, 22 Март.
– Оваа година акцентот по повод Светскиот ден на водата го ставаме на најмладите кај кои преку креативни работилници, подароци, песнички и раскази, ќе се обидеме да ја подигнеме свеста за значењето и рационално трошење на богатството со кое располагаме, а тоа е водата, велат од јавното претпријатие „Водовод и канализација“ – Скопје кое ги организира настаните во соработка со Град Скопје и општините на територијата на градот Скопје.
По повод почетокот на предвидените активности кои ќе траат до 22 март, на првата манифестација што ќе се одржи претпладнево ОУ „11 Октомври“, ќе се обратат градоначалникот на Скопје Петре Шилегов, директорот на ЈП „Водовод и канализација“ Душко Весковски и градоначалникот на Центар Саша Богдановиќ.