Кошаркарот на Оклахома Сити, Расел Вестбрук ноќеска на гостувањето кај Атланта го оствари стотиот трипл-дабл во неговата НБА кариера.
Вестбрук натпреварот го заврши со 32 поени, 12 скока и 12 асистенции и заедно со Кармело Ентони беа најзаслужните за триумфот на Оклахома со 119:107.
Досега оваа сезона најдобриот играч на Оклахома има 21 тројно достигнување.
Во тимот на Атланта се истакна Тарен Принс со 25 поени и осум скокови.
Оклахома со биланс 41 победа и 29 порази е четврта во Западната конкуренција, додека Атланта има ефект 20-48 и е последна на Истокот.