„Владата веднаш да ги осуди сите облици на навреди кон иселениците и да престане да врши поделби на граѓаните.
Добро е што за прв пат Адеми се огласи за било која тема поврзана со иселениците, но лошо е што ја нема сфатено суштината, а уште полошо што оваа влада не направи за 10 месеци ниту еден чекор за Македонските иселеници, иако има министерство кое што би требало да се грижи за оваа тематика.
Се уште ниту Адеми ниту било кој од владата ги осуди сите облици на навреди, стигматизација и генерализирање насочени кон Македонските иселеници, а стимулирани од кругови блиски до власта. Таквата незаинтересираност и игнорантски однос на владата преставува навреда за дијаспората, и прави директна поделба на подобни и неподобни граѓани.
Владата треба веднаш да ги осуди сите облици на навреди кон иселениците, и да престане да врши поделби на граѓаните. Македонските иселеници се составен и нераскинлив дел од Република Македонија“ се вели во соопштението на ВМРО-ДПМНЕ.