Општина Неготино обезбеди 20 нови контејнери, а има потпишано и договор со Амбасадата на Унгарија во Македонија за обезбедување на дополнителни 100 нови контејнери кои наскоро се очекува да пристигнат и да бидат ставени во функција.
За ова денеска информираше Методи Митрев, портпарол во локалната самоуправа. Целта е, како што нагласи, создавање услови за зголемување на нивото на хигиена во градот и населените места и заштита на животната околина.
– Дваесетте контејнери се набавени како резултат на одличната соработка со „Пакомак” кои ја извршија и нивната дистрибуција, по што контејнерите од кои 10 за собирање хартија и 10 за пластика и лименки, ќе бидат поставени на соодветни места, додаде Митрев.