Ракометарите на Македонија одиграа нерешено против Русија, 29:29 на четвртиот натпревар во Групата Б на Светското првенство во Шпанија.
Македонија два пати губеше со шест гола разлика. Но со храброст и решителност, нашите ракометари се вратија резултатски, и со гол во последната минута освоија бод.
Кире Лазаров беше најдобар стрелец во нашите редови со десет гола, Стоилов постигна пет, а Манасков четири погодоци.
По овој резултат, нашите ракометари сега треба да слават во последното коло против Данска за да го избегнат четвртото место во групата, но по играта прикажана денеска, особено во второто полувреме, јасно е дека „црвено-жолтите“ имаат капацитет за такво нешто.