Американскиот нафтен гигант Ексон Мобил денеска најави дека ќе го продаде својо удел во проектот Тера Нова. Се работи за наоѓалиште на нафта кое се наоѓа 350 километри источно од канадскиот остров Њуфаундленд.
Наоѓалиштето има 30-ина бунари и досега произведуваше околу 30.000 барели нафта дневно, а Ексон Мобил е сопственик на 19 проценти од проектот. Ексон Мобил информираше дека планира да остане инвеститор во наоѓалиштата нафта на источниот брег на Канада и покрај повлекувањето од Тера Нова.