Судскиот совет на Република Македонија утре нема да ја одржи планираната седница поради службено отсуство на претседателот на Советот и на дел од членовите.
Датумот на одржување на седницата, како што е објавено на веб страницата на Судскиот совет, дополнително ќе биде соопштен.
На дневен ред на оваа седница се повеќе точки, меѓу кои изборот на претседател на Апелацискиот суд Скопје и претседател на Основниот суд Дебар, откако претходно Советот ќе ги усвои конечните ранг-листи на кандидатите за претседател на судовите.