Во текот на вчерашниот ден околу пладне во кумановска фабрика за чевли во помошната котларница за парно греење настанал пожар, при што работникот М.В.(57) од Куманово се здобил со изгореници.
Како што информираат од полицијата, од страна на Итна помош повредениот бил пренесен во општата болница во Куманово каде што му била укажана лекарска помош, но поради карактерот на повредите истиот бил префрлен на Ургентниот центар во Скопје за понатамошно лекување. Увид на местото на настанот извршила екипа од кумановската полиција.