Вчера претседателот на Судскиот совет, Зоран Караџовски и претставници од Амбасадата на САД во Македонија, Дејвид Стивенсон – шефот на политичкиот и економскиот сектор и Џон Т. Мекнил – правен советник, разговарале за начинот на избор на судиите како и за одговорноста во судството, вклучувајки ги судиите и членовите на Судскиот совет.
Делегацијата од Амбасадата на САД изразила желба за соработка и поддршка за подобрување на законските решенија за избор на судии и водење на дисциплинските постапки, како и за транспарентноста на Судскиот совет. Понудиле и можност за активна помош на експерти од САД.
На последната прес-конференција, Караџовски пред новинарите изјави дека добиле поддршка од меѓународните претставници дека не е можен генерален реизбор на судии, ниту на членови на Судскиот совет дури не им заврши мандатот на постојните.
В. М.
