Претседателот на Владата на Република Македонија, Зоран Заев, со владина делегација, на 25-ти и 26-ти јануари, ќе учествува на Светскиот економски форум кој годинава се одржува во Давос, Швајцарија.
Светскиот економски форум е меѓународна организација којашто на светско ниво работи за воспоставување на модел на корпоративно управување во кој вредностите се почитуваат еднакво како и правилата. Проектите и програмските иницијативи кои ќе бидат презентирани на 48-иот годишен состанок на Светскиот економски форум се на тема: „Креирање на заедничка иднина во поделениот свет“.