Националната установа универзитетска библиотека „Св.Климент Охридски“-Битола денеска додели 80 книги на битолскиот затвор.
Директорите на библиотеката, Јелена Петровска и на битолскиот затвор Драган Крајовски, воедно потпишаа меморандум за соработка со кој се овозможува користење и на книжниот фонд, учество во програми на ресоцијализација и други активности од надлежност на двете установи.
– Подаривме 80 книги кои се дупликати во библиотеката, но можеме да соработуваме и на друг план, пред се позајмување на книги, организирање на стручни предавања, библиотерапија, информациски писменост и други активности од интерес на установата. Со оваа активност воедно ги реализираме препораките на интернационалната организација ИФЛА и Агенда 20130 за одржлив развој, на Обединетите нации, посебно во делот на промовирање мирољубиви и инклузивни општества каде библиотеките имаат активно влијание, истакна директорката на библиотеката, Јелена Петровска.