Пред МРТВ, поранешниот генерален директор Слободан Трајковски рече дека морал да замине од телевизијата во 2010, па и со 100 евра казна на платата. Трајковски порача дека народот не се собрал пред МРТВ ниту да влегува внатре, ниту да се заканува, туку да укаже дека јавниот сервис мора да ја исправи својата уредувачка политика. Тој упати три пораки од прек ТВ куќата во која го помина целиот работен век.
Првата ја упати до сите новинари, сниматели монтажери, да не останат послушници на режимот и да се ослободат, да не молчат и да не станат партиски војници кои ќе ги исполнуваат директивите на власта.
Втората порака се однесуваше до раководството на телевизијата кое послушно ја претвори наместо во јавен во партиски сервис. Трајковски рече дека за МРТВ плаќаат сите граѓани.
Третата порака се однесуваше на партијата на власт, да ги тргне своите раце од јавниот сервис и да остваи професионално и објективно да си ја врши својата работа.