Универзитетската клиника по хирушки болести „Св.Наум Охридски“ – Скопје склучи Анекс за изменување и дополнување на поединечниот колективен договор со Синдикалната организација на оваа здравствена установа, кој во целост е преземен од веќе потпишаниот Анекс колективен договор меѓу Министерството за здравство и Самостојниот синдикат за здравство, фармација и социјална заштита.
Клиниката по хирушки болести „Св.Наум Охридски“ е прва здравствена установа која го потпиша Анекс колективниот договор со Синдикалната организација.
Како што соопшти Универзитетската клиника по хирушки болести „Св.Наум Охридски“ – Скопје, Анекс колективниот договор се однесува на зголемување на платите согласно коефициентите на сложеност на работното место во период од 15 месеци и исплатата на плати според системот за плаќање по успешност.