Сменетиот каталонски потпретседател Ориол Жункерас ќе остане во притвор, одлучи шпанскиот Врховен суд. Тој е во притвор повеќе од два месеца, додека трае истрагата поради неговата улога во движењето за независност на Каталонија.
Во образложението на судот се наведува дека постои опасност Жункерас повторно да изврши прекшок бидејќи не постојат докази кои би покажале дека го напуштил патот кој досега го следел.
Поради таквата одлука на судот, Жункерас нема да може да положи заклетва како пратеник на првата седница на регионалниот каталонски Парламент на 17 јануари.