Од утре се укинува бесплатниот градски превоз

Од:

Од утре се укинува бесплатниот превоз, потврди скопскиот градоначалник Петре Шилегов на денешната прес-конференција на која го презентираше Буџетот за Град Скопје за 2018 година.

– Мерката ќе важи денеска, а од утре се враќаме во редовниот режим на функционирање имајќи предвид дека се изменети климатските услови кои доведоа во воведување на вонредните мерки. Станува збор за мерки за кои имаме прецизно утврдени нормативи кога ќе се применуваат и секогаш кога ќе бидат исполнети условите, овие мерки ќе се применуваат, рече Шилегов, одговарајќи на новинарско прашање.

Вонредните мерки и препораки Градот Скопје ги воведе по добиеното соопштение од Министерството за животна средина и просторно планирање дека праговите на алармирање на ПМ10 (200 µг/м3 во 2 последователни дена на 2 мерни станици и прогноза за стабилна временска состојба) беа надминати во деновите 25 и 26 декември 2017 година.

Овие мерки и препораки ќе се воведат повторно доколку се повтори епизодата со загадувањето на воздухот, а за што граѓаните ќе бидат навреме информирани.

И покрај расчистувањето на воздухот поради појавата на ветерот и дождот, Градот Скопје апелира до граѓаните да не ги користат возилата без потреба, повеќе лица да се возат во едно возило, да се користи јавниот превоз, за затоплување на домовите да не се користат отпадни материјали, прегорено машинско масло, лакирани и обоени отпадоци од дрво, стиропор, ПЕТ амбалажа, гуми и каков било синтетички материјал, да се користи суво и чисто дрво без примеси од земја и од отпадоци, а печките на дрво да се користат и одржуваат според упатствата на производителот.

Би можело да ве интересира

Скопјанец повреден при пад во автобус на ЈСП

По 20-ти пат ќе се гласа – ќе се набават нови еко автобуси во Град Скопје или не

Средношколците за време на летниот распуст може да користат бесплатен јавен превоз во автобусите на ЈСП

(ФОТО) Наезда на глувци во Скопје – Општините се должни да побараат вонредна дератизација, зградите да си ги чистат подрумите

Анита Петровска Рајковиќ

Полициска акција во Скопје, приведени 28 дилери

60-годишна жена била нападната од возач на автобус на ЈСП