Амбасадорот на САД во Македонија, Џес Бејли, му го честита изборот на Христијан Мицкоски за лидер на ВМРО-ДПМНЕ.
„Вашето стапување на оваа важна функција доаѓа во време на голема можност за напредок на Македонија во насока на аспирациите за безбедност, просперитет и инклузивна демократија, целосно интегрирана во НАТО и Европската Унија. Како најголема опозициска партија во Собранието ја повикуваме ВМРО-ДПМНЕ да игра конструктивна улога во зајакнувањето на демократските процеси и владеењето на правото, како и унапредување на односите со соседите“, стои во честитката.
Понатаму се додава и дека САД очекуваат продолжување на соработката не само со Владата туку и со опозицијата и во врска со соочувањето со глобалните закани како тероризмот.
„Се надеваме дека во 2018 година ќе изградиме уште посилни односи помеѓу нашите две држави“, стои во неговата честитка.
