Нема да има дезинтеграција на Босна и Херцеговина ниту промена на границите на Западен Балкан, изјави претседавачот на Советот на министри на Босна и Херцеговина, Денис Звиздиќ.
– За оние кои како солуција предлагаа распаѓање, тоа нема да се случи. Станува збор само за недосонувани соништа кои никогаш нема да се реализираат. Нема да дојде до каква било нова дезинтеграција на Босна и Херцеговина. Процесите ќе се движат кон интеграција. Завршена е архитектурата на Западен Балкан и нема да дојде до промени на границите на Западен Балкан, нагласи Звиздиќ.