Националната мрежа против насилство врз жени и семејно насилство денеска ќе ја презентира изработената „Студија на опсег за различни форми на сексуално насилство во Република Македонија“.
Од Националната мрежа информираат дека студијата ја изработиле со цел добивање сознанија за тоа колку сексуалното насилство и сексуалното вознемирување се препознава во нашата земја, како и за тоа колку и како се реагира при случаи на сексуално насилство и вознемирување.
За изработка на студијата биле добиени информации од институциите, биле спроведени онлајн прашалник, индивидуални интервјуа и фокус групи со релевантни претставници од институциите и граѓанските организации.
Сексуалното насилство и сексуалното вознемирување се видови родово базирано насилство кои најмалку се препознаваат кај нас, а со кои жените и девојките секојдневно се соочуваат, посочуваат од Националната мрежа против насилство врз жени и семејно насилство.
