Корисниците од булеварот „Св. Климент Охридски“, на потегот од крстосницата со булеварот „Партизански одреди“ до крстосницата со булеварот „Митрополит Теодосиј Гологанов“ во општина Центар, в недела од 9 часот ќе останат без вода за пиење.
Како што информира Регионалниот центар за управување со кризи на град Скопје, причина за прекинот во водоснабдувањето е санирање на дефект на шибер со пречник од 150 милиметри на крстосницата меѓу булеварите „Митрополит Теодосиј Гологанов“ и „Св. Климент Охридски“.
Корисниците ќе бидат без вода се додека екипите на ЈП „Водовод и канализација“ Скопје не завршат со санирањето на дефектот.