Над 3.300 кандидати се пријавиле на конкурсот на МВР за прием на 500 полицајци, информираше денеска министерот за внатрешни работи Оливер Спасовски при посетата на Центарот за обука во Идризово, каде во тек беше физичката селекција на дел од кандидатите.
-Има голема конкуренција, но како раководство на МВР многумина и разочаравме со тоа што мислеа дека повторно ќе важат прекораки и врски. За нас исклучително важно е да имаме квалитетни полицајци, истакна Спасовски.