„Класје“ е насловена втората самостојна изложба на дизајнерката Јованка Јанкоска, која вечер во 19 часот ќе биде отворена во Центарот за иновации и дизајн „Јавна соба“.
– „Класје“ е уште една филигранска приказна на дизајнерката Јанкоска- Бобе за елеганција на надградените класични мотиви на сребрениот рачно изработен накит. Креациите на „Класје“ филигранот го прават впечатлив и посакуван, нагласувајќи ја константната убавина на сребрената нишка низ времето и просторот, соопшти организаторот на изложбата која е продажна и ќе трае до 22 декември.