Скопското јавно претпријатие „Водовод и канализација“ се уште не може да ја утврди цената на водата што треба да се применува од 1 јануари 2018 година поради истекување на мандатот на членовите на Управниот одбор на претпријатието.
– Поради завршување на мандатот на членовите на Управниот Одбор на ЈП Водовод и канализација – Скопје, а со оглед на тоа дека, се уште, не се назначени нови членови, постапката околу предлогот за цената на водата, се уште, не е завршена, информираат од ова јавно претпријатие.
Појаснуваат дека во моментот кога ќе се назначат новите членови, постапката ќе може да продолжи.