Лондон ќе ја исплати предивдената сума од 40 до 44 милијарди евра за „разводот“ од ЕУ, само доколку биде постигната конечна согласност за начинот на кој што Велика Британија ќе излезе од Унијата, изјави британската премиерка Тереза Меј.
Таа беше критикувана од британската јавност поради постигнатиот договор минатата недела, по завршувањето на првата рунда разговори меѓу Брисел и Лондон.
Според Меј можно е да не биде постигнат финален договор за Брегзит, со оглед на тоа што преговорите по другите прашања продолжуваат понатаму.
– Доколку не се договориме за идното партнерство, понудата веќе не е на маса, изјави Меј.