Заврши реконструкцијата на детската градинка „Гоце Делчев“ во Виница во која беше заменета кровната конструкција, старите и достраени азбестни цевки беа заменети со лим панели, а беше извршен и комплетно уредување на дворот со плочки, зеленило и летниковец.
– Вредноста на целиот проект е 2.800.000 денари, од кои 1.400.000 се средства обезбедени од швајцарската Агенција за развој и соработка, додека останите 1.400.000 се од општина Виница. Со оваа реконструкција градинката во Виница ќе биде целосно заштитена од надворешните влијанија, истакна градоначалникот Ивица Димитров.