Градоначалникот на Ѓорче Петров, Александар Наумоски денеска оствари средба со младиот каратист Александар Неделковски кој на Балканското првенство во карате за кадети, јуниори и помлади сениори, одржано во Херцег Нови, Црна Гора, освои сребрен медал.
– Конкуренцијата беше навистина многу силна. Но, за овој турнир сериозно се подготвував подолго време и воопшто не се сомневав дека моите шанси се добри за освојување медал. Се покажа дека со напорна работа и редовни тренинзи може да се освои и нешто повеќе од очекуваното. Во мојата категорија имаше многу добри каратисти, но сепак јас во моето Ѓорче донесов сребрен медал на кој сум посебно горд, изјави Неделковски.
Младиот каратист кој е член на карате клубот Металург, минатата година во Трбовље освои два златни медала во категоријата на натпреварувачи до 14 години.