Претседателот на српската Народна партија, Вук Јеремиќ ги повика државните органи да ги истражат врските помеѓу челниците на фирмата која што ја купи фабриката „14 Октомври“ со, како што кажа, поранешниот македонски режим.
Јеремиќ изјави дека не се точни тврдењата на СНС дека е пронајдени стратешки партнер за „14 Октомври“, што беше во стечај од јануари 2016 година, кога фирмата беше проценета на околу 48 милиони евра.
Тој тврди дека чешката компанија „Чехословак груп“ во октомври оваа година преку белградската фирма СЦМГ ја купила само централната на фабриката за четири милиони евра и тоа со директна спогодба, без јавна лицитација. Јеремиќ воедно побара и да се истражат врските помеѓу Војислав Спаравало, директорот на СЦМГ и поранешниот македонски режим.
– Само е украден имотот, отпуштените работници не се вратени на работа, изјави Јеремиќ.
Тој наведе дека според законот, директните спогоди во купопродажбата важат само за посебни случаи и додаде дека „специјално во овој случај е што оваа година во Македонија беше соборен диктаторскиот и длабоко корумпиран режим на братот близнак на Вучиќ, Никола Груевски“.
– Луѓето од тој режим, а пред се Сашо Мијалков, поранешниот шеф на тајната поиција и десна рака на Груевски, панично започнаа да ги извлекуваат парите стекнати преку коруптивна работа во Македонија и да ги пласираат преку разни шеми, преку рајски острови, Холандија, а со случајот „14 Октомври“ и преку Чешка, изјави Јеремиќ.
Тој кажа дека во Македонија се спроведува сериозна истрага во која што учестуваат и меѓународни органи против Мијалков и други луѓе од поранешниот македонски врв и повика истражување на случајот „14 Октомври“.