Општина Куманово по втор пат распишува конкурс за избор на сувенир на градот и ги покани заинтересирани правни и физички лица, кои ги познаваат одликите на градот и околината, со своите автентични трудови да придонесат кон креирањето на производ кој ќе го отсликува карактерот на градот, во насока на зголемена промоција, стои во соопштението на прес-службата на општината.
Конкурсот се распишува врз основа на програмата за општа туристичка пропаганда.
Сувенирот треба да ги содржи елементите на препознатливност и да ја отсликува традицијата и културно-историските, духовни, материјални и природни богатства на градот Куманово, да биде прилгоден за производство, и туристичка промоција на Куманово.
Крајниот рок за доставување на сувенирот е 20 декември. Во рамки на конкурсот ќе биде доделена и награда во вредност од 30.000 денари. Сувенирот треба да се достави до општината, а комисија која за таа цел ја формираше општината ќе одлучи врз основа на предвидените критериуми.