Околу 4.000 евра штета претрпела Н.Х.(56) откако засега непознати сторители провалиле во нејзиниот стан на улица „Јане Сандански“ број 101 во Тетово, информираше портпаролот на СВР Тетово Марјан Јосифовски.
– Непознатите провалиле во периодот помеѓу 31 декември и 7-ми овој месец така што го искористиле отсуството на сопствениците. Влегле во зградата, а потоа ја скршиле цилиндер бравата од влезната врата. Откако целосно ги пребарале сите простории, од регалите и од под креветите каде што биле оставени, одзеле 25 парчиња разновиден златен накит и 200 евра што се наоѓале во мал несесер. Со одземениот накит и парите незабележани од никого крадците го напуштиле станот. Вкупната материјална штета според проценките на сопственикот на одземениот накит изнесува околу 4.000 евра, изјави Јосифовски.
Полицијата извршила увид и презема мерки и активности за откривање на сторителите.