Државниот секретар во Министерството за надворешни работи на Република Македонија, Виктор Димовски денеска имаше средба со заменик помошникот секретар за одбрана надлежна за Русија, Украина и Евроазија на Соединетите Американски Држави, Лаура Купер.
Димовски информираше за активностите на Република Македонија за реализација на стратешките приоритети за интеграција на земјата во НАТО и ЕУ, со посебен осврт на постигнувањата во реформскиот процес и градењето мостови на добрососедство. Во тој контекст, беа истакнати и имплементацијата на Акциониот план за членство во НАТО, придонесот на Република Македонија кон регионалната и глобалната безбедност, како и значењето на соработката и поддршката со САД како наш стратешки партнер.
Високиот претставник на Департментот за одбрана на САД, Лаура Купер ја потврди силната поддршка на САД за членство на нашата земја во Алијансата.