Со цел следење на работата на конкурентите и дознавање на нивните бизнис тајни, компанијата Убер ангажирала поранешни службеници на ЦИА, изјави поранешниот менаџер на комапнијата, Ричард Џејкобс.
Според него, Убер ги најмувал екс-агентите на ЦИА за да помогнат при упади во компјутерските мрежи на фирмите конкуренти надвор од САД.
Изјавите на Џејкбс се дадени на суд во Сан Франциско каде што се води дело за кражба на технологија за беспилотни автомобили од компанијата Вејмо.
Вејмо е дел од холдингот Алфабет, компанијата мајка на Гугл, кои ги обвинија Убер за кражба и побараа забрана за користење на нивната технологија за беспилотни автомобили и паричен надомест од 1,9 милијарди долари.