Каталонија не треба да презема нови, храбри чекори кон независност, дури и ако сепаратистите остварат голема победа на регионалните избори следниот месец, изјави поранешниот каталонски претседател Артур Мас.
Мас, кој беше лидер на Каталонија пред Карлес Пуџдемон, рече дека сецесионистите треба да се фокусираат на барање за меѓународна помош.
– Не можеме да преземаме конечни чекори се додека немаме цврсти меѓународни сојузници, рече Мас, кој беше претседател на Каталонија од 2010 до 2016 година.