Лицето Р.Ј.(66) од тетовското село Стримница се здобило со телесни повреди откако воз удрил во автомобилот „Фиат пунто“ во кое тој бил совозач. Возилото било управувано од неговиот брат, Н.Ј.(57).
Како што информираше портпаролот на СВР Тетово Марјан Јосифовски сообраќајната несреќа се случила денеска во 13 часот и 30 минути на железничкиот премин кај фабриката „Тетекс“, на патот за тетовското село Фалише.
– Патничкиот воз кој сообраќал на релација Скопје – Кичево налетал и удрил во автомобилот „Фиат пунто“ при што возачот поминал без повреди, додека совозачот со телесни повреди бил префрлен во Тетовската клиничка болница каде е задржан на лекување. Полицијата извршила увид и работи за расветлување на поединостите како се случила сообраќајката, изјави Јосифовски.