Друштвото на ликовни уметници на Македонија (ДЛУМ) вечер од 20 часот во галеријата „КО-РА“ во Дом на културата „Кочо Рацин“ во Скопје ќе ја отвори изложбата „Поместени граници“.
На изложбата ќе бидат претставени дела од авторите: Тања Балаќ, Ирена Паскали, Ангел Миов, Исмет Рамичевиќ, Горан Менков, Сергеј Дамовски и Христијан Санев.
– Граница е нешто што сугерира на статичност и постојаност, додека Поместување наговестува неминовно движење, можеби, но не и со сигурност конфликтно, во секој случај поместување од динамичка природа. Идејата на бришење на линијата која современиот ликовен медиум го дели од класичната ликовна уметност, со појдовна точка од концептуалното размислување, наидува на конвенционален творечки пристап, па затоа целта на овој проект е да и се прикаже на пошироката публика новиот аспект на актуелното ликовно истражување, соопшти ДЛУМ.