Кошаркарите на Бостон ноќеска ја постигнаа 19. победа во серија откако на гости ја совладаа Атланта со 110:99.
Најефикасни на дуелот беа играчите на Бостон Кајри Ирвинг со 30 поени и Џејлен Браун со 27. Бостон е најуспешниот тим во досегашниот тек од лигата со скор 15-2 (победи-порази).
Шампионот Голден Стејт победи на гостувањето кај Филаделфија, а во третиот период го надиграа противникот откако четвртината ја добија со 47:15. Голден Стејт се наоѓа на втората позиција на „Запад“ со скор 12-4, зад Хјустон кој има 13-4.
Резултати на ноќеска одиграните дуели: Шарлот – ЛА Клиперс 102:87, Орландо – Јута 85:125, Атланта – Бостон 99:110, Филаделфија – Голден Стејт 116:124, Мемфис – Хјустон 83:105, Далас – Милвоки 111:79 и Портланд – Сакраменто 102:90.