Градоначалникот на Општина Штип, Благој Бочварски и претседателот на Советот на Општина Штип, Јане Миланов денеска имаа средба со претставници на Центарот за управување со кризи за Штип и Карбинци. Бочварски вели дека на средбата е разговарано за ресурсите кои можат да се дадат на располагање на ЦУК и како би се одвивала комуникацијата меѓу двете институции во услови на криза.
– Важно е како ќе тече таа комуникација, како ќе реагираме и соработуваме за да избегнеме поголеми последици од можни елементарни непогоди. Ова е прва средба и мислам дека ги поставивме темелите на идната соработка. Советот на Општина Штип работи на сите документи, како што се стратегии и планови за наша реакција, заедно со буџет за таа намена, но најважна е комуникацијата и координацијата за да имаме побрза реакција, вели Бочварски.