Ракометната репрезентацијата на Македонија минимално со 26:25 (13:13) од Србија, го загуби последниот контролен натпревар пред Светското првенство во Шпанија.
Дуелот се одигра во Ниш, а во поголемиот дел од првото полувреме Србија водеше, но во финишот сепак Македонија успеа да поведе со 12:11 и со 13:12.
Во второто полувреме двете репрезентации се менуваа во водство, а Македонија во 50 минута водеше со 22:20, а потоа и со 23:21. Србија во завршницата успеа да направи серија од 4:0 и го презеде водство кое го сочува докрајот на натпреварот.
Најефикасен на натпреварот беше Кирил Лазаров со 11 голови.
Ова беше трет контролен дуел за македонската селекција, а прв пораз по двете победи над Саудиска Арабија и Египет.