Сообраќајот на сите магистрални и регионални патни правци низ државата се одвива без забрани и ограничувања по наместа влажни коловози.
АМСМ и ЈП „Македонија пат“ препорачуваат поголема внимателност на патните правци Дебар – Струга, Маврово – Дебар, Катланово – Велес и Демир Капија – Удово каде има почеста појава на одрони кои може да го попречат движењето на возачите.
Слаб снег провејува на Деве Баир-Попова Шапка-Маврово-Стража и во Крушево, но не се задржува на коловоз во моментов. Поради ниските температури на повисоките места има можност за појава на голомразица.
По клисурите и усеците можна е појава на поситни одрони, посебно на патните правци Маврово-Дебар-Струга, Удово-Демир Капија и Катланово-Велес.
Дежурните екипи на ЈП „Македонија пат“ се на терен, редовно ги контролираат и одржуваат проодни сите патни правци.
Интензитетот на сообраќај на патните правци надвор од градските средини е умерен.
На граничните премини нема подолготрајни задржувања за влез и за излез од државата.
АМСМ ги потсетува сите возачи дека на сила е законската обврска за поседување на зимската опрема во возилата, без оглед на моменталната временска состојба. Оваа обврска трае до 15 март 2013.