Возачот на Ферари, Себастијан Фетел славеше на трката за Големата награда на Бразил, откако уште во првиот круг го престигна Ботас од Мерцедес, кој што стартуваше од пол-позицијата.
Валтери Ботас заврши на втората позиција, пред тимскиот колега на Фетел, Кими Раиконен.
Новиот шампион Луис Хамилтон стартуваше од последната позиција, откако не оствари време на вчерашните квалификации откако излета од патеката, но сепак успеа да заврши на четвртата позиција.
Последната трка од сезоната ќе се вози на 26 ноември во Абу Даби.