Белградската полиција го уапси Марко Костиќ (23) од Чичевци, под сомнение дека на новогодишната ноќ избодел седум момчиња на плоштадот, потврдено е за Б92.
Полицијата го пронашла во изнајмен стан во Белград.
Осомничениот во новогодишната ноќ прво го избодел Дејан В, а потоа неговиот пријател Лазар И. При бегството избодел со нож уште петмина посетители на плоштадот, меѓу кои биле и двајца тунижани.
Некои од повредените се пуштени од болница, додека другите се опоравуваат во Клиничкиот центар на Србија.