Градоначалникот на општина Центар Саша Богдановиќ, кој е еден од сведоците во случајот „Нарачани шамари“ и демолирање на општина Центар, се огласи по одлуката на Апелацискиот суд, како доказ во случаите „ТНТ“ и „Топлик“, прислучуваните разговори од „бомбите“ да бидат доказен материјал.
Еве што напиша Богдановиќ:
Прислушуваните разговори од „бомбите“ на Заев ќе бидат доказ во судењето на криминалот на претходната Влада.
Апелација одлучи во судницата да се чуе како се договараше вандалското уривање на „Космос“ (случај „ТНТ“) и за тендерите за Сончев град (случај „Топлик“).
Претходно прислушуваните разговори се прифатени и за случајот „Тендери“, во кој е осомничена поранешната министерка Елизабета Канческа Милевска за малверзации со тендерот за Музејот на ВМРО, од проектот „Скопје 2014“ и за случајот „Триста“ каде осомничен е помошник-министер од МВР за извршена јавна набавка за 300 возила со што бил оштетен буџетот на државата за 453.570 евра.
Овој месец е и судењето за „нарачаните шамари“ и демолирањето на општина Центар, каде осомничени се Никола Груевски, Миле Јанакиески и поранешни советници.
И тука судиите ги признаа „бомбите“ како доказен материјал.
Иако имаше недоверба, сепак вистината ќе излезе на површина и секој, без разлика на функцијата која ја извршувал, ќе одговара и ќе го врати украденото од народот.
Во Македонија ќе има и правда и живот!