Градоначалникот на општина Центар, Саша Богдановиќ, оствари средба со амбасадорот на Република Бугарија, Н.Е. Иван Петков.
Петков му честиташе на Богдановиќ за победата во Центар. Двајцата соговорници изразија подготвеност за заедничка работа, за доброто на општина Центар и на двете држави.
Владата на Република Бугарија е подготвена да донира 130.000 евра за реконструкција на фасадата на основното училиште “Димитар Миладинов“. Вкупната површина на фасадата изнесува 3610 м2.
Ова, рече Богдановиќ, ќе биде во интерес на децата, бидејќи ќе значи поголема безбедност и подобрени услови за учење и престој. Енергетски ефикасна фасада ќе значи и голема заштеда и намалување на трошоците за греење на училиштето.
Амбасадорот Петков изрази подготвеност и за други заеднички акции наменети пред се за најмладите, што беше со задоволство прифатено од градоначалникот на општина Центар.