Секторот за внатрешни работи Скопје поднесе кривична пријава против Ј.С.(48) и А.С.(43), двајцата од Скопје, поради постоење основи на сомнение за сторено кривично дело „неовластено производство и пуштање во промет наркотични дроги, психотропни супстанции и прекурсори“.
Како што соопшти МВР, тие на 28 октомври, околу 3:00 часот на граничен премин Долно Блаце, се пријавиле на влез во Република Македонија со патничко возило „Шкода октавија“. При прегледот на возилото, кое било изнајмено, откриени се 22 пакувања со опојна дрога марихуана во вкупна тежина од 15 килограми и 725 грама, скриени во внатрешноста на возилото.
Пријавените дрогата ја превзеле во соседно Косово, по претходен договор со лице од Косово, за транспортирање на марихуаната до Скопје, а за паричен надомест од 500 евра за килограм, односно за 7.500 евра.
Вредноста на запленетата дрога на овдешниот нарко пазар би достигнала речиси 80.000 евра.