Доколку откако го слушнете плачот на бебето помислите дека вашиот сопруг цврсто спие и тргнете кон детето, погледнете уште еднаш. Научниците велат дека голема е веројатноста таткото да е буден, исто како и вие.
Една студија покажа дека повеќе од половина од испитаните татковци се преправаат дека спијат, кога ќе го слушнат плачењето на бебето. Нивното објаснување беше едноставно: ако ги држат очите затворени и се преправаат дека се во длабок сон, нивните партнерки ќе станат неместо нив и ќе го смират бебето.
Во истражувањето учествувале повеќе од две илјади родители, а дури 56 отсто од татковците признале дека намерно се преправале дека спијат за да го избегнат станувањето.
Многу мажи објасниле дека во тој момент секако мајките би требало да бидат со бебето, затоа што тие се незаменливи, а еден од петорицата татковци истакна дека децата обично ја бараат мајката. Тројца од десетмината мажи оправдување пронајдоа во тоа дека мораат да бидат одморени за наредниот работен ден.
Резултатите покажаа дека дури 47 отсто од родителите изјавиле дека ноќното станување е резервирано само за мајките, додека само 14 отсто признале дека тоа е работа која е наменета и за татковците.