Со модна ревија на традиционални облеки, изложба на цртежи и изработки, како и заеднички направена музика од учениците од ООУ„Лазо Трповски“ – Карпош и ООУ „Лирија“ – Чаир, денеска и официјално ќе биде заокружен проектот „Против насилство – под исто небо“.
На манифестацијата ќе биде прикажан и краткиот филм „Под исто небо“ во режија на Јане Алтипармаков, а ќе се одржи и изложба на фотографии од Наташа Гелева. И филмот и изложбата ги доловуваат заедничките активности на учениците, реализирани во рамки на проектот.
– Манифестацијата има за цел да ја донесе пораката за успешна соработка меѓу сите учесници во проектот, за умешноста на соживотот и придонесот на секоја индивидуа во она што значи живеење под исто небо, информираат координаторите на проектот Татјана Бошковиќ и Соња Јовановска.
Тие воедно ќе ги прогласат тројцата наградени на литературниот конкурс на темата „Против насилство-под исто небо“!
Проектот „Против насилство-под исто небо“! го реализираа Младинскиот центар за еднакви можности и неформалната група граѓани поддржани од програмата Цивика мобилитас. Civica Mobilitas.