Тројца студенти, двајца од Струга и еден од Дебар, останале без своите преносни компјутери по тешката кражба во станот во кој престојувале во Тетово, информираше портпаролот на СВР Тетово Марјан Јосифовски.
Според неговите податоци, кражбата ја извршиле засега непознати сторители вчера помеѓу 18 часот и 19 часот и 30 минути во станот на улица „Илинденска“ во Тетово во кој престојувале студентите.
– Откако насилно ја отвориле влезната врата, од внатрешноста на станот сторителите одзеле три лаптопи, сопственост на стружаните Р.Ф.(19) и А.Ф.(22) и на дебранинот Г.М.(19). Со одземеното незабележани од никого крадците го напуштиле станот, противправно стекнувајќи се со вкупна имотна корист која се проценува на 18 илјади денари додека причинетата материјална штета изнесува 1.000 денари. По извршениот увид се расветлува пријавеното и се работи на откривање на сторителите, рече Јосифовски.