По превземени оперативни мерки и активности од страна на СВР-Штип утврдено е дека смртта на лицето Лазар Т.(41) од Виница, кој што беше пронајден на асфалтна површина на локалниот пат Виница- село Јакимово (информирано во билтенот за дневни настани на 02.01.2013год.), настапила како последица од повреди здобиени во сообраќајна незгода.
Во критичното време Лазар Т. во сообраќајот учествувал како пешак по што бил удрен од патничко моторно возило „Шкода Фелиција“ управувана од А.А.(31) од виничкото село Јакимово, кој по незгодата го напуштил местото на незгодата.
А.А. е пронајден и приведен и по документирање на случајот против него ќе биде поднесена соодветна кривична пријава.